Nobel Sülh Mükafatı laureatı Məhəmməd Yunus Banqladeşin müvəqqəti hökumətinə rəhbərlik etməyə hazırdır.

“Report” xəbər verir ki, bu barədə o, AFP-yə açıqlamasında bildirib.

“Müvəqqəti hökumətə rəhbərlik etməyimi istəyən etirazçıların etimadı məni təsirləndirib. Mən həmişə siyasətdən uzaq durmuşam, amma bu gün Banqladeşdə ölkəm və xalqımın cəsarəti naminə hərəkət etmək lazımdırsa, mən bunu edəcəyəm”, - o deyib.

Yunus Banqladeşdə azad seçkilərin keçirilməsinə çağırıb: “Müvəqqəti hökumət sadəcə başlanğıcdır. Yekun sakitləşmə yalnız azad seçkilərdən sonra olacaq. Seçkilər olmasa, heç bir dəyişiklik olmayacaq”.

Daha əvvəl “The Daily Star” qəzeti Yunusun Banqladeşdə müvəqqəti hökumətin müşaviri olmağa razılaşdığını yazmışdı.

Xatırladaq ki, iqtisadi inkişaf sahəsində fəaliyyətinə görə 2006-cı ildə Nobel Sülh Mükafatına layiq görülən Məhəmməd Yunus 1983-cü ildə təsis etdiyi “Grameen Bank” vasitəsilə Banqladeşin kəndlərində yoxsullara mikrokredit verməyə başlamaqla beynəlxalq səviyyədə tanınıb. Bu prosesdən az sonra Yunus artıq sabiq Baş nazir olan Şeyx Hasina ilə münaqişə yaşayıb. O, Yunusu fermerləri aldatmaqda ittiam edərək kəndlilərin aldıqları kreditlərə görə illik təxminən 20% faiz əlavə vəsait ödəməli olduğunu önə çəkib.

Oxşar xəbərlər

Nobel mükafatı laureatı Banqladeşin müvəqqəti hökumətinə rəhbərlik etməyə hazır olduğunu bildirib [xfgiven_updateblue][/xfgiven_updateblue]

Nobel Sülh mükafatı laureatı həbs cəzasına məhkum edildi [xfgiven_updateblue][/xfgiven_updateblue]

Baş nazir Əli Əsədov Nobel sülh mükafatı laureatı Məhəmməd Yunus ilə görüşüb [xfgiven_updateblue][/xfgiven_updateblue]

İranda Nobel Sülh mükafatçısı prezident seçkisini boykot edib [xfgiven_updateblue][/xfgiven_updateblue]

Banqladeşdə etirazlarda bir gündə azı 56 nəfər ölüb [xfgiven_updateblue][/xfgiven_updateblue]