Atom Enerjisi üzrə Beynəlxalq Agentliyin (AEBA) nümayəndələri gələn həftə Vaşinqtonda ABŞ rəsmiləri ilə İranda zənginləşdirilmiş uran məsələsi ilə bağlı danışıqlar aparacaq.

“Report” TASS-a istinadən xəbər verir ki, bu barədə “Bloomberg” məlumat yayıb.

Danışıqların aparılmasına ehtiyac İsrail və ABŞ-nin İranın nüvə obyektlərinə zərbə endirməsindən sonra agentliyin İranda zənginləşdirilmiş uran ehtiyatlarını qiymətləndirə bilməməsi səbəbindən yaranıb. İsrail və ABŞ-nin bu ilin iyununda keçirdiyi hərbi əməliyyatdan sonra Tehran ölkədəki nüvə obyektlərində AEBA-nın yoxlama aparmasını qadağan edib.

Agentliyin həmsöhbətlərinin sözlərinə görə, yoxlamaların dayandırılması ilə əlaqədar AEBA-nın İrandakı 274 əməkdaşı 409 kq yüksək səviyyədə zənginləşdirilmiş uranın yerini müəyyən edə bilmir.

Oxşar xəbərlər

AEBA və ABŞ İranla bağlı danışıqlar aparacaq

Əraqçi: İranda zənginləşdirilmiş uranın hər milliqramı AEBA-nın nəzarəti altındadır

İran AEBA-nı zənginləşdirilmiş uran ehtiyatlarının qorunması tədbirləri barədə məlumatlandırıb

AEBA-nın baş direktoru: İranın nüvə silahı hazırladığına dair sübut yoxdur

Qrossi sabah AEBA-nın İranla bağlı təcili iclasını çağırıb