Ukrayna 2026-cı ilin sonuna qədər Avropa İttifaqına (Aİ) daxil olmaq üçün bütün danışıq klasterlərinin açılmasına ümid edir.

“Report” xəbər verir ki, bu barədə Ukrayna Nazirlər Kabinetinin dərc etdiyi Hökumətin Fəaliyyət Proqramı layihəsində deyilir.

Sənədə əsasən, 2025-ci ilin sentyabrında 5-ci klaster - "Resurslar, kənd təsərrüfatı və birlik siyasəti" üzrə rəsmi skrininq başa çatmalıdır.

Nazirlər Kabineti avqustun sonuna qədər 3-cü ("Rəqabətqabiliyyətlilik və inklüziv inkişaf"), sentyabrın sonuna qədər 4-cü ("Yaşıl nizam və davamlı əlaqə") və oktyabrın sonunadək 5-ci klaster üzrə danışıq mövqelərini təsdiqləməyi planlaşdırır.

Planlara əsasən, 2026-cı ilin sonuna qədər Ukrayna bütün bençmarkları yerinə yetirməli və hər bir klaster üzrə danışıq klasterlərini açmalıdır.

Oxşar xəbərlər

Aİ bu ilin sonuna qədər Ukraynaya əlavə 9 milyard avro verəcək

Ukrayna Polşada konsulluq açmağı planlaşdırır

Vüqar Bayramov: 2026-cı ilin sonuna qədər 140 min vətəndaşımız azad edilmiş ərazilərdə məskunlaşacaq

KİV: Vaşinqton Putin-Zelenski görüşünün avqustun sonuna qədər baş tutacağına ümid edir

Zelenski: Ukrayna noyabrın sonuna qədər ölkədə sülhə nail olmaq üçün plan hazırlamağı planlaşdırır