ABŞ Prezidenti Donald Tramp Ankoricdə keçiriləcək sammit zamanı Rusiya Prezidenti Vladimir Putinə Ukraynada müharibəyə son qoymaq müqabilində Alyaskada nadir faydalı qazıntıların işlənməsini təqdim etməyə hazırlaşır.

“Report” xəbər verir ki, bu barədə “The Daily Telegraph” mənbələrə istinadən yazır.

Nəşrin yazdığına görə, Trampın digər təklifi Rusiyada mülki aviasiya təyyarələrinə xidmət üçün ehtiyat hissələri və avadanlıqların tədarükünə qoyulan qadağanın aradan qaldırılmasını nəzərdə tutur. Qeyd edilir ki, belə bir sövdələşmə Amerikanın “Boeing” konserni üçün çox sərfəli ola bilər.

Təkliflər arasında Putinə hazırda Rusiyanın işğalı altında olan Ukrayna ərazilərində nadir faydalı qazıntılara çıxış imkanı da daxildir.

Qeyd olunur ki, ABŞ-nin maliyyə naziri Skott Bessent atəşkəs sazişinin bağlanmasını sürətləndirmək üçün Rusiya ilə edə biləcəyi iqtisadi kompromisləri öyrənir.

Tramp və Putin arasında görüş avqustun 15-də ABŞ-nin Alyaska ştatının ən böyük şəhərində - Ankoricdə baş tutacaq. Görüşün məqsədi Rusiya-Ukrayna münaqişəsinə son qoymaq imkanlarını müzakirə etməkdir.

Oxşar xəbərlər

Tramp Rusiyaya Alyaskada faydalı qazıntıların işlənməsini təklif etməyə hazırlaşır

KİV: ABŞ maliyyə naziri Kiyevdə faydalı qazıntılar üzrə sazişi müzakirə edəcək

Reuters: Tramp Rusiya və Ukrayna ilə mümkün sammitə açıqdır

Alyaskada danışıqlar uğursuz olacağı halda ABŞ sanksiyalara və ya ikinci dərəcəli rüsumlara əl ata bilər

Tramp: Alyaskada Putinlə konstruktiv görüş olacağını gözləyirəm - YENİLƏNİB