ABŞ Prezidenti Donald Tramp Rusiya Prezidenti Vladimir Putinlə avqustun 15-də Alyaskada keçiriləcək görüşünün ABŞ KİV-ləri tərəfindən işıqlandırılma tərzini tənqid edib.

“Report” xəbər verir ki, Tramp bu barədə “Trump Social” şəbəkəsində yazıb.

"Əgər Rusiya ilə sövdələşmə çərçivəsində Moskva və Leninqradı əldə etsəydim, feyk xəbərlər pis sövdələşmə bağladığımı deyərdi", - o yazıb.

O, paylaşımında jurnalistlərin "işdən çıxarılmış uğursuzlardan sitat gətirdiyini" bildirib və görüşün ABŞ-də keçiriləcəyinə baxmayaraq, "Putinin artıq qalib gəldiyini" söyləyən prezidentin milli təhlükəsizlik məsələləri üzrə keçmiş müşaviri Con Boltonu xüsusilə qeyd edib.

Tramp vurğulayıb ki, onun fikrincə, ABŞ həmişə qalib gəlir, KİV isə feyk xəbərlər yayır.

KİV-ləri korrupsiyada ittiham edən siyasətçi onların "ölkəyə nifrət etdiyini" deyib, lakin bunun onun uğurlarına mane olmayacağına əmin olduğunu söyləyib.

Oxşar xəbərlər

Tramp Putinlə görüşünün tarixini və yerini açıqlayıb

Moskva Putin və Trampın növbəti görüşünün Rusiyada keçiriləcəyini gözləyir

Tramp: Alyaskada Putinlə konstruktiv görüş olacağını gözləyirəm - YENİLƏNİB

Tramp: "Putin odla oynayır"

Tramp Putinlə avqustun 15-də Alyaskada görüşəcək