ABŞ Prezidenti Donald Tramp əmin edib ki, İsrailin Qəzza zolağının işğalı planlarından xəbəri yoxdur, lakin o, belə mümkün inkişafa etiraz etməyib.

"Report"un məlumatına görə, bunu ABŞ Prezidenti Ağ Evdə jurnalistlərlə söhbəti zamanı deyib.

"Təklifin nə olduğunu bilmirəm. Bilirəm ki, biz hazırda oradayıq və insanları qidalandırmağa çalışırıq", - Amerika lideri Fələstin anklavının yəhudi dövləti tərəfindən işğalı ilə bağlı iddia edilən planları şərh etmək istəyinə cavab verərkən deyib.

“Mən bilirəm ki, İsrail Qəzza zolağında humanitar yardımın paylanılması, eləcə də bu cür tədarüklərin təmin edilməsi üçün pul baxımından bizə kömək edəcək”, - Tramp bildirib. Onun sözlərinə görə, ərəb ölkələri də ABŞ-yə analoji dəstəyi verməyə hazırdır. "Mən buna diqqət yetirirəm. Qalanları barədə heç nə deyə bilmərəm. Bu, mahiyyətcə İsraildən asılı olacaq", - ABŞ administrasiyasının rəhbəri əlavə edib.

Oxşar xəbərlər

Tramp Qəzza sakinlərinin ərəb ölkələrində yerləşdirilməsini mümkün hesab edib

Tramp və Netanyahu Qəzza ilə İranı müzakirə ediblər

Fələstin Qəzzanın şimalında bufer zona yaratmaq planlarını qəbuledilməz hesab edir

Misir prezidenti: Fələstin Milli Administrasiyası Qəzza zolağına nəzarəti bərpa etməlidir

Tramp: ABŞ Qəzza zolağında aclıqla mübarizə planı üzərində işləyir