Dövlət Departamenti ABŞ Prezidentinin xüsusi elçisi Stiv Uitkoffun bu həftə Rusiyaya səfər edəcəyini təsdiqləyib, lakin səfərin gündəliyini açıqlamaqdan imtina edib.

"Sizinxeber.az"un məlumatına görə, bunu jurnalistlər üçün keçirdiyi növbəti brifinqdə ABŞ Dövlət Departamentinin mətbuat xidmətinin rəhbəri Temmi Bryus deyib.

"Hər şeydən əvvəl, (ABŞ Prezidenti Donald Tramp), əlbəttə (əvvəllər) xüsusi elçi Uitkoffun bu həftə Rusiyaya gedəcəyini qeyd etdi. Biz bunu tribunadan təsdiqləyə bilərik. Bunun nələri əhatə edəcəyi ilə bağlı sizin üçün heç bir təfərrüatım yoxdur", - o qeyd edib.

Bryus Uitkoffun səfərinin dəqiq tarixini açıqlamayıb.

ABŞ Prezidenti Donald Trampın xüsusi elçisi Stiv Uitkoffun da olduğu təyyarənin Rusiyaya yola düşdüyü ehtimal edilir.

Bu barədə "Sizinxeber.az" TASS agentliyinə istinadən xəbər verir.

"Güman ki, göyərtəsində Uitkoff olan təyyarə ABŞ-dən yola düşüb", - agentliyin mənbəyi bildirib.

Avqustun 6-da ABŞ liderinin xüsusi elçisinin Rusiyaya səfərinin gözlənildiyi bildirilib.

Oxşar xəbərlər

Dövlət Departamenti Uitkoffun bu həftə Rusiyaya getdiyini təsdiqləyib - YENİLƏNİB

ABŞ liderinin xüsusi nümayəndəsi gələn həftə Rusiyaya səfər edəcək

Peskov: Zərurət olduğu halda Uitkoffun Rusiyaya növbəti səfəri razılaşdırılacaq

Trampın xüsusi nümayəndəsi Rusiyaya səfər edəcək

Ağ Ev Uitkoffun bu həftə Rusiyaya səfərini təsdiqləyib