ABŞ Ukraynada hərbi əməliyyatların dayandırılmasına nail olmaq üçün Çin, Hindistan və Braziliyaya qarşı sanksiyalar tətbiq etmək niyyətindədir.

“Report” TASS-a istinadən xəbər verir ki, bu barədə ABŞ-nin NATO-dakı daimi nümayəndəsi Metyu Uiteker “Bloomberg TV”yə müsahibəsində bildirib.

"Bu müharibəni Rusiya istehsalı olan nefti alaraq maliyyələşdirənlərə, məsələn, Çin, Hindistan və Braziliyaya qarşı ikinci dərəcəli sanksiyalar və rüsumların tətbiqi münaqişənin dayandırılması yolunda növbəti addımdır", - o qeyd edib.

Diplomatın sözlərinə görə, bu tədbirlər Rusiyanın gəlir mənbələrinə "həqiqətən zərbə vuracaq".

Daimi nümayəndə “Newsmax” telekanalının efirində iddia edib ki, ABŞ Prezidenti Donald Tramp Rusiya neftinin idxalçılarına qarşı sanksiyalar tətbiq etməklə sülhün bərqərar olmasına şərait yaratmağa çalışır.

Oxşar xəbərlər

Tramp: ABŞ 50 gündən az müddətdə Rusiyaya qarşı ikinci dərəcəli sanksiyalar tətbiq edə bilər

İran ABŞ-nin ikinci dərəcəli sanksiyaları ehtimalına qarşı tədbirlər görüb

Britaniya Rusiyanın “kölgə donanması”na qarşı yeni sanksiyalar tətbiq edib

Leyen: 18-ci sanksiyalar paketi Rusiya iqtisadiyyatının ürəyinə zərbə vuracaq

Rusiya Ukrayna ilə sazişdən imtina edərsə, ABŞ ona sanksiyalar tətbiq edə bilər