Özbəkistan Prezident Administrasiyasının rəhbəri Saida Mirziyoyeva və ABŞ ticarət nazirinin müavini Devid Foqel Daşkənddə görüşüblər.

"Report" xəbər verir ki, bu barədə S. Mirziyoyeva sosial şəbəkə hesablarında məlumat yayıb.

Məlumata görə, tərəflər iki ölkə arasında ticarət-iqtisadi və investisiya əməkdaşlığının genişləndirilməsi məsələlərini müzakirə ediblər. İnfrastruktur layihələrinin inkişaf perspektivlərinə, eləcə də ikitərəfli əməkdaşlığın yeni istiqamətlərinə xüsusi diqqət yetirilib.

ABŞ biznesinin Özbəkistan şirkətləri ilə əməkdaşlığa maraq göstərdiyi qeyd edilib. Tərəflər iş yerlərinin yaradılması və iqtisadi imkanların genişləndirilməsi məqsədilə bu tərəfdaşlığın inkişafı üçün praktiki addımlar atmağa hazır olduqlarını bildiriblər.

İki ölkənin sahibkarları arasında işgüzar əlaqələrin möhkəmləndirilməsinə və praktiki əməkdaşlığın inkişafına kömək edən ABŞ-Özbəkistan İşgüzar və İnvestisiya Şurasının fəaliyyəti ayrıca nəzərdən keçirilib.

Oxşar xəbərlər

Azərbaycan-Özbəkistan Hökumətlərarası Komissiyasının 14-cü iclası olacaq

Özbəkistan və Macarıstan liderləri iki ölkə arasında strateji tərəfdaşlığı müzakirə ediblər

Nazir müavini: “Özbəkistan və Azərbaycan elektron ticarət platformasının yaradılması üzərində işləyir”

Azərbaycan və Özbəkistan yeni istehsalat layihələrinin işə salınmasını müzakirə ediblər

Azərbaycan-Özbəkistan İnvestisiya Şirkəti 360 milyon dollarlıq layihələri maliyyələşdirir