Az qidalanmadan əziyyət çəkən dünya əhalisinin sayı son bir ildə 673 milyon nəfərə qədər azalıb, lakin Afrika və Qərbi Asiyada ac insanların sayı artır.

"Sizinxeber.az"un xəbərinə görə, bu barədə BMT-nin Ərzaq və Kənd Təsərrüfatı Təşkilatının dünyada ərzaq təhlükəsizliyi və qidalanma vəziyyəti ilə bağlı dərc etdiyi hesabatda bildirilir.

“2024-cü ildə dünya əhalisinin 8,2 %-i və ya təqribən 673 milyon insan aclıqdan əziyyət çəkib, 2023-cü ildə bu göstərici 8,5 %, 2022-ci ildə isə 8,7 % olub”, - mətndə bildirilir. Qeyd olunur ki, bu müsbət tendensiya “Afrika və Qərbi Asiyada ac insanların sayının davamlı artması ilə kəskin şəkildə ziddiyyət təşkil edir”. 2024-cü ildə Afrikada aclıqdan əziyyət çəkən əhalinin xüsusi çəkisi 20 %-i və ya 307 milyon nəfəri keçib. Qərbi Asiyada bu, 12,7 % və ya 39 milyon nəfərdən çox idi.

Hesabatda 2030-cu ilə qədər 512 milyon insanın xroniki qida çatışmazlığından əziyyət çəkəcəyi proqnozlaşdırılır. Ac insanların demək olar, 60 %-i Afrikada olacaq.

Oxşar xəbərlər

BMT: Nigeriyada aclıq çəkənlərin sayı 2025-ci ildə 33 milyon nəfərə çatacaq

İsrail əhalisinin sayı 2024-cü ildə 10 milyonu keçib

Dünyada 820 milyondan çox insan diabetdən əziyyət çəkir