Ukraynanın xarici işlər naziri Andrey Sibiqa Avropa İttifaqı (Aİ) ölkələrini 18-ci anti-Rusiya sanksiyalar paketini mümkün qədər qısa zamanda qəbul etməyə çağırıb.

“Report” xəbər verir ki, bu barədə o, “X” sosial şəbəkəsindəki səhifəsində Rusiyanın Ukrayna şəhərlərinə yeni raket zərbələri endirməsi fonunda yazıb.

“Rusiya terrorunu gücləndirməkdə davam edir, yüzlərlə pilotsuz uçuş aparatı və raketdən istifadə etməklə növbəti hücum dalğasını həyata keçirir, yaşayış məntəqələrinə ziyan vurur, dinc əhalini öldürür və yaralayır. Qərbdəki Çernovtsı, Lvov və Lutsk şəhərləri xüsusilə dəhşətli hücuma məruz qalıb, digər bölgələr də zərər görüb”, - o yazıb.

Sibiqanın sözlərinə görə, raket zərbələrinin miqyası Moskvanın neft gəlirlərindən məhrum edilməsinin təcili zəruriliyini nümayiş etdirir. O əlavə edib ki, Aİ-nin 18-ci sanksiyalar paketini və Qrem-Blumental qanun layihəsini tezliklə qəbul etmək tərəfdaşların da maraqlarına uyğundur.

Oxşar xəbərlər

Aİ fevralın 24-dək Rusiyaya qarşı 16-cı sanksiyalar paketini qəbul etmək istəyir

Zelenski AK-nın rəhbəri ilə Rusiyaya qarşı 17-ci sanksiyalar paketini müzakirə edib

AK Rusiyaya qarşı 17-ci sanksiyalar paketini mayın 20-dək qəbul etməyi planlaşdırır

Aİ Rusiyaya qarşı 17-ci sanksiyalar paketini hazırlamağa başlayıb