ABŞ prezidenti Donald Tramp iş adamı İlon Maskın siyasi partiya yaratmaq planlarını gülünc adlandırıb.

"Sizinxeber.az"un məlumatına görə, o, bu fikirləri jurnalistlərlə söhbətində səsləndirib.

"Mən üçüncü partiyanın yaradılmasını gülünc hesab edirəm. Biz Respublikaçılar Partiyası ilə böyük uğur qazanmışıq", - deyə Tramp Maskın planlarını şərh etmək xahişinə cavab olaraq bildirib və əlavə edib ki, ABŞ-da "həmişə ikipartiyalı sistem olub".

"Düşünürəm ki, üçüncü partiyanın yaradılması qarışıqlıq yaradardı", - o qeyd edib.

Prezident əlavə edib ki, Mask "əylənə bilər", lakin onun fikrincə, Respublikaçı və Demokrat partiyalarından başqa hər hansı partiyalar "heç vaxt işləməyib".

Daha öncə xəbər verdiyimiz kimi, Mask "Amerika" partiyasının qeydiyyatı üçün rəsmi müraciət edib.

Oxşar xəbərlər

Amerikalı milyarder İlon Mask ölkədə yeni siyasi partiya yaratmağa çağırıb

Mask "Amerika" partiyasının qeydiyyatı üçün rəsmi müraciət edib

İlon Maskın yaratmaq istədiyi partiyanın adı açıqlanıb

KİV: Tramp Maskın üzrxahlığından əvvəl onunla telefonla danışıb