Meksikanın Hərbi Dəniz Qüvvələri narkotik alverçilərinə məxsus, göyərtəsində 42 milyon dollardan çox dəyəri olan 3,5 ton kokain olan sualtı qayığı saxlayıb.

"Sizinxeber.az"un xəbərinə görə, bunu ictimai təhlükəsizlik və vətəndaşların müdafiəsi naziri Omar Qarsia Harfuş “X”dəki hesabında bildirib.

"Hərbi Dəniz Qüvvələri Nazirliyi Herrero ştatının sahillərində göyərtəsində 3,5 tondan çox kokain olan yarıyüklü gəmisini ələ keçirib. Üç xarici vətəndaş saxlanılıb", - Harfuş bildirib.

“Hesablamalara görə, bu müsadirə mütəşəkkil cinayətkarlığa 800 milyon pesodan çox (hazırkı məzənnə ilə 42,5 milyon dollar – red.) məbləğində iqtisadi ziyan vurub”, - nazir əlavə edib.

O qeyd edib ki, Meksikada prezident Klaudiya Şeynbaum hökuməti vəzifəyə başladığı 2024-cü ilin oktyabrın əvvəlindən dəniz əməliyyatlarında ümumilikdə 44,8 ton kokain ələ keçirilib.

Oxşar xəbərlər

Kolumbiyada hərbçilər içərisində bir ton kokain olan laboratoriya aşkarlayıblar

Honkonq polisi reyd zamanı yarım tondan çox kokain ələ keçirib

İspaniyada rekord həcmdə kokain partiyası müsadirə edilib