Biz Bayden administrasiyası ilə “Şahed”lərlə mübarizə aparmaq üçün Ukraynaya 20 min raket tədarükü barədə razılığa gəldik, lakin indi ABŞ həmin raketləri Yaxın Şərqə göndərmək qərarına gəlib.

APA xəbər verir ki, bu barədə Ukrayna Pezidenti Volodimir Zelenski "ABC News"-a müsahibəsində bildirib.

Volodimir Zelenski deyib ki, Ukrayna “Şahed” tipli hücum pilotsuz təyyarələri ilə mübarizə aparmaq üçün 20 min raket alacağını gözləyirdi.

Onun sözlərinə görə, bu raketlərin Ukraynaya təhvil verilməsi ilə bağlı qərar Co Baydenin prezidentliyi dövründə verilib, lakin indi Donald Trampın prezidentliyi dövründə bu raketlər Yaxın Şərqə göndərilib.

“Biz ABŞ-ın əvvəlki administrasiyası ilə razılaşdıq ki, “Şahidlər”lə mübarizə aparmaq üçün Ukraynaya 20 min raket tədarük etsin. Bu, ucuz və xüsusi texnologiya idi. Biz onlara güvənirdik. Lakin ABŞ indi bu raketləri Yaxın Şərqə göndərmək qərarına gəlib. Bu gün səhər müdafiə nazirim mənə dedi ki, ABŞ raketləri Yaxın Şərqə göndərib", - Ukrayna Prezidenti vurğulayıb.

Volodimir Zelenski eyni zamanda ABŞ-ın yardımı olmadan Rusiyanın qələbə şansının yüksək olduğunu qeyd edib: “ABŞ yardımı olmasa, Rusiyanın qələbə şansı daha yüksəkdir və Ukrayna ağır itkilər verəcək”.

Oxşar xəbərlər

Zelenski: Sentyabrda Rusiya Ukraynaya qarşı 640-dan çox “Şahed” pilotsuz təyyarəsindən istifadə edib

Zelenski: Rusiyaya qarşı sanksiyaların ləğvi diplomatiya üçün fəlakət olar

Zelenski: Ukraynanın lazım olan silahları almağa vəsaiti çatmır

ABŞ Yaxın Şərqə 70-dən çox "Patriot" raket kompleksi göndərib

Podolyak: ABŞ-la faydalı qazıntılar üzrə saziş Ukraynaya HHM sistemlərinin tədarükünü təmin edəcək