Bu gün, 18 may tarixində keçirilən inaqurasiya messasından sonra Roma Papası XIV Leo Ukrayna Prezidenti Volodimir Zelenski və ölkənin birinci xanımı Yelena Zelenska ilə görüş keçirib.

APA xəbər verir ki, bu barədə Ukrayna lideri özünün rəsmi Telegram kanalında məlumat verib.

“İnaqurasiya messasından sonra Roma Papası XIV Leo ilə görüşdük. Onun Müqəddəsliyinə bu qəbul üçün təşəkkür edirik,” – deyə Zelenski qeyd edib.

Ukrayna Prezidenti bildirib ki, pontifik milyonlarla insan üçün sülhə olan ümidi təmsil edir. O, Papa XIV Leonun Ukraynadakı müharibənin başa çatmasında mühüm rol oynaya biləcəyinə əminliyini ifadə edib.

“Vatikana Ukrayna və Rusiya arasında birbaşa danışıqlar üçün platforma rolunu oynamağa hazır olduqlarına görə təşəkkür edirəm. Biz real nəticələr uğrunda istənilən formatda dialoqa hazırıq. Ukraynaya verdiyiniz dəstəyə və ədalətli, davamlı sülhün müdafiəsində səsləndirdiyiniz dəqiq mövqeyinizə görə təşəkkür edirik,” – deyə Zelenski əlavə edib.

Oxşar xəbərlər

Vatikan Papa XIV Leo ilə Zelenskinin görüşünü elan edib

Roma Papası Zelenskini qəbul edəcək

Zelenski: Ukrayna nümayəndə heyətinin Londondakı əsas hədəfi qeyd-şərtsiz atəşkəsdir

Tramp Romada Zelenski ilə görüşə bilər

Ərdoğan Zelenski ilə görüşüb