Ukrayna Qara dənizdə onun pilotsuz aparatlarını tutmaq üçün göndərilmiş iki Rusiya təyyarəsini uğurla vurub.

APA xəbər verir ki, Naval News-un yazdığına görə, Rusiya təyyarələri əvvəllər heç bir məlumat olmayan Magura V7 Surface Drone (Səth dronu) vasitəsilə, amerikalıların istehsalı olan Sidewinder raketləri ilə vurulub.

Bu, tarixdə pilotsuz aparat tərəfindən vurulan ilk iki qırıcıdır, lakin bu sonuncu olmayacaq, deyə nəşr ehtimal edir. Məqalədə əməliyyatla bağlı bəzi təfərrüat açıqlanıb.

Jurnalistlərin məlumatına görə, əvvəlcə Rusiyanın qırıcılarını Magura V5 aparatlarının vurduğu bildirilib, lakin Naval News təsdiqləyir ki, əslində bu, daha iri olan Magura V7 olub. “Bu, V7 modelinin ilk dəfə ictimaiyyətə təqdim olunmasıdır”, – deyə nəşr qeyd edir.

Əvvəlcə Naval News bu dronların çox güman ki, AA-11 Archer raketlərindən istifadə etdiyini yazmışdı. “Sea Dragon (Dəniz Əjdahası) adlanan bu konfiqurasiya əvvəllər yeganə məlum idi. İndi biz Sidewinder silah növünü açıqlaya bilərik”, – jurnalistlər əlavə ediblər.

Magura V7 daha geniş korpusa və iri sabit buraxılış relslərinə malikdir. Onun uzunluğu təxminən 8 metrdir, halbuki V5-in uzunluğu 5,5 metrdir. Əsasən V7, düşmən gəmilərinə partlayıcı vasitəsilə çırpılmaq üçün istifadə olunan əsas model olan Magura V5-in böyüdülmüş versiyasıdır.

Jurnalistlər bildirirlər ki, V7 versiyası daha optimal və düşünülüb, lakin onun yalnız Sidewinder raketləri iləmi silahlandığı, yoxsa başqa silahlar da daşıya bilməsi məsələsi hələlik aydın deyil.

Magura V7 V5 ilə oxşar xətlərə malikdir, lakin onun burnunun forması daha yaxşı üzmə qabiliyyəti üçün dəyişdirilib ki, bu da qışda aparılan əməliyyatlarda faydalıdır. “O, bir neçə rabitə antenası və sensorla müşahidə edilib. Burnunda zərbə detonatorlarının olmaması səbəbilə partlayıcı maddə olmadığı təəssüratı yaranır, lakin bu, təyin olunma məsələsi ola bilər”, – deyə jurnalistlər güman edirlər.

Amerika istehsalı olan iki Sidewinder raketi təyyarənin buraxılış relslərinə quraşdırılıb və görünür ki, buraxılış üçün yuxarı qaldırıla bilir. Raketin uçuş məsafəsi və xüsusiyyətləri, Sea Dragon-da istifadə olunan sovet AA-11 Archer (R-73) raketlərinə bənzəyir. Atışlar təxminən 10 km məsafədə baş verə bilər.

Oxşar xəbərlər

Ukrayna HHQ Rusiyayadan atılan 77 dronu vurub

KİV: İran Rusiyanın Ukraynadakı müharibəsi üçün yeni PUA hazırlayıb

Rusiya MN: Ötən gecə Ukrayna SQ-nin 113 PUA-sı vurulub

Rusiya Tambov vilayətində Ukrayna pilotsuz təyyarələrinin üç nəfəri yaraladığını bildirib

Rusiya MN: Ötən sutka 171 Ukrayna PUA-sı məhv edilib