Əgər cəbhə xəttində həqiqətən tam sakitlik yaranarsa, Ukrayna bu atəşkəsin 20 aprel Pasxa günündən sonra da davam etdirilməsini təklif edir.

APA "Unian"a istinadən xəbər verir ki, bunu Ukrayna Prezidenti Volodimir Zelenski bildirib.

O, Rusiya Federasiyasının artıq 39 gündür ABŞ-ın təklif etdiyi 30 günlük tam və qeyd-şərtsiz atəşkəs çağırışına məhəl qoymadığını xatırladıb.

“Əgər indi Rusiya qəfil şəkildə doğrudan da tam və qeyd-şərtsiz sakitliyə razıdırsa, Ukrayna da eyni şəkildə cavab verəcək – Rusiya tərəfinin davranışına uyğun. Sakitliyə sakitlik, zərbəyə müdafiə üçün zərbə ilə cavab veriləcək. Bu, Rusiyanın əsl niyyətlərini üzə çıxaracaq. Çünki 30 saat etimadı möhkəmləndirəcək real addımlar üçün kifayət etmir. Otuz günlük atəşkəs isə sülhə bir şans verə bilər” – deyə Zelenski əlavə edib.

Oxşar xəbərlər

Zelenski: Ukrayna Ordusu Kursk vilayətində əməliyyatı davam etdirir, qoşunlarımız mühasirədə deyil

Zelenski: Rusiyaya qarşı sanksiyaların ləğvi diplomatiya üçün fəlakət olar

Zelenski: Ukrayna Silahlı Qüvvələrinin Kursk vilayətində əməliyyatı davam edir, qoşunların mühasirəsi yoxdur

Zelenski: Ukraynada seçkilər yalnız hərbi vəziyyət ləğv edildikdən sonra keçiriləcək

Zelenski 30 günlük atəşkəsin şərtini açıqlayıb