Zelenski: Ukrayna və ABŞ aprelin 17-də yeraltı sərvətlərlə bağlı memorandum imzalaya bilər

Ukrayna və ABŞ arasında faydalı qazıntılar sahəsində əməkdaşlığa dair memorandumun 17 aprel tarixində onlayn görüş çərçivəsində imzalanması mümkündür.

APA xəbər verir ki, bu barədə Ukrayna Prezidenti Volodimir Zelenski brifinq zamanı bildirib.

Onun sözlərinə görə, Ukrayna komandası artıq amerikalı tərəfdaşlarla birlikdə memorandum üzərində işləyir.

“Məqsəd sazişi deyil, memorandum imzalamaqdır — yəni bu sadəcə niyyətlərə dair sənəddir və bu gün onlayn qaydada imzalanması mümkündür”, - Zelenski qeyd edib.