Gürcüstanın 11-ci çağırış parlamentinin ilk iclası noyabrın 25-də baş tutacaq.

APA-nın Tbilisi müxbiri xəbər verir ki, bu barədə Baş nazir İrakli Kobaxidze jurnalistlərə açıqlamasında bildirib. O, Prezident Salome Zurabişvilinin parlamentin iclasını çağırmadığı təqdirdə konstitusiyanı növbəti dəfə pozacağını, lakin parlamentin hər bir halda toplanacağını qeyd edib.

“Parlamentin ilk iclasına gəlincə, bildiyiniz kimi, son tarixlər Gürcüstan Konstitusiyası ilə müəyyən edilib. Güman edirik ki, Gürcüstanın hələ də formal prezidenti olan Salome Zurabişvili parlamentin ilk iclasını təyin etməməklə Gürcüstan Konstitusiyasını növbəti dəfə pozacaq. Belə olan halda Gürcüstan parlamenti seçkilərin rəsmi nəticələrinin dərcindən sonra düz 10-cu gündə, yəni noyabrın 25-də toplaşacaq. Bunu konstitusiya müəyyən edir”, - deyə Kobaxidze bildirib.

Qeyd edək ki, Gürcüstanın müxalifət partiyaları parlamentin legitimliyini və 26 oktyabr parlament seçkilərinin nəticələrini tanımadıqlarını bəyan ediblər.

Oxşar xəbərlər

Kobaxidze: Gürcüstan parlamentinin müxalifətin legitimliyinə ehtiyacı yoxdur, onu gürcü xalqı verib [xfgiven_updateblue][/xfgiven_updateblue]

Baş nazir: Salome Zurabişvili faktiki olaraq Gürcüstanın Prezidenti deyil [xfgiven_updateblue][/xfgiven_updateblue]

Prezident İlham Əliyev Gürcüstanın Baş naziri ilə görüşüb - YENİLƏNİB [xfgiven_updateblue][/xfgiven_updateblue]

Şarl Mişel: Gürcüstanın gələcəyi ilə bağlı qərarı yalnız xalq verə bilər [xfgiven_updateblue][/xfgiven_updateblue]

Gürcüstan parlamentində Zurabişvilinin impiçmenti yenidən müzakirə ediləcək [xfgiven_updateblue][/xfgiven_updateblue]