NATO üzvü olan Avstraliya, Yeni Zelandiya, Cənubi Koreya, Ukrayna və Yaponiyanın da iştirakı ilə alyansın müttəfiqləri Rusiya və Şimali Koreya liderlərinin Ukraynadakı müharibənin genişləndirilməsi ilə bağlı siyasi qərarını qətiyyətlə pisləyir.

APA xəbər verir ki, bu barədə yuxarıda adları çəkilən ölkələrin birgə bəyanatında bildirilib.

Sənəddə rəsmi Pxenyanın Rusiyaya hərbi-texniki dəstək verməsi, xüsusilə də Ukraynaya qarşı döyüşlərdə iştirak üçün şəxsi heyət göndərməsi şiddətlə qınanılır, bu addım müharibəyə açıq dəstək kimi qiymətləndirilir.

Bununla yanaşı bildirilir ki, Şimali Koreya ilə BMT Təhlükəsizlik Şurasının daimi üzvü olan Rusiya arasındakı əməkdaşlıq Şimali Atlantika Alyansının, eləcə də Hind-Sakit okean regionunun təhlükəsizliyinə bilavasitə təhdid xarakteri daşımaqla, sözügedən qurumun Təhlükəsizlik Şurasının 2270 (2016), 1718 (2006) və 1874 (2009) nömrəli müvafiq qətnamələrinə ziddir.

Bəyanatda eyni zamanda Rusiyanın 2024-cü il 26 sentyabr tarixli, Şimali Koreyanın nüvəsizləşdirilməsinin gündəlikdə olmadığı barədə bəyanatının da qlobal təhlükəsizliyə təhdid xarakteri daşıdığı, habelə analoji silahların yayılmamasını nəzərdə tutan müqavilələri pozduğu üçün qəbuledilməzliyi vurğulanır.

Tərəflər ayrı-ayrı ölkələri Rusiyanın Ukraynadakı addımlarına dəst verməməyə çağırır.

Sənədin müəllifləri BMT Nizamnaməsinin 51-ci maddəsinə istinad edərək, Ukraynanın özümüdafiə hüququnu tanıdıqlarını bir daha bəyan edirlər.

NATO həmçinin Ukraynaya dəstəyin davam etdirilməsinə sadiqliyini növbəti dəfə vurğulayır.

Oxşar xəbərlər

NATO Baş katibi: Pxenyanın Rusiyaya ordu göndərməsi müharibə arealını genişləndirəcək

Şimali Koreya diplomatı Almaniya XİN-ə çağırılıb

Cənubi Koreya Şimali Koreyanın Rusiyaya qoşun göndərməsi ilə bağlı NATO və Aİ-nı məlumatlandıracaq

Pentaqon rəhbəri Şimali Koreya əsgərlərinin Rusiyaya gətirilməsinə münasibət bildirib

Mark Rütte: Rusiyanın destruktiv addımlarının qarşısının alınması NATO-nun prioritetlərindəndir