Almaniya kansleri Olaf Şoltsun hazırladığı Ukrayna üzrə sülh planı hazırda Rusiya hərbçilərinin nəzarətindəki ərazilər üzrə “status-kvo”nun qorunub-saxlanılmasını nəzərdə tutur.

Sizinxeber.az-nın məlumatına görə, bu barədə İtaliyanın “La Repubblica” qəzeti yazıb.

Məqalədə göstərilir ki, o, tərəfləri danışıqlar masasına məhz bu təkliflə cəlb etmək, bununla da münaqişənin həllinə nail olub tarixdə sülhpərvər kansler kimi qalmaq niyyətindədir:

“Türingiya və Saksoniyadakı məğlubiyyətdən məyus olan O.Şolts sentyabrın 22-də Brandenburqda keçiriləcək səsvermədən sonra istefa təhlükəsi ilə üzləşə biləcəyini kifayət qədər yaxşı dərk edir. Buna görə də vəziyyətdən çıxış yolunu Ukrayna məsələsində barışdırıcı mövqe tutmaqda görür”.

Qeyd edək ki, bir qədər əvvəlki açıqlamasında Olaf Şolts Ukrayna ilə Rusiya arasında müharibənin dayandırılması üçün təxirəsalınmaz addımların vacibliyindən danışıb.

Oxşar xəbərlər

Almaniya Ukraynaya 17 ədəd hava hücumundan müdafiə sistemi göndərəcək

Peskov: Ukrayna ilə danışıqlar mövzusu aktuallığını itirib

Şolts Almaniyaya gələn ukraynalıları işləməyə çağırıb

Ukrayna Ordusu Kurskda 100-dən çox məntəqəyə nəzarət edir

Almaniya MN: Ukrayna bizim verdiyimiz silahlardan öz məqsədinə uyğun istifadə edə bilər