Ölkədaxili fırıldaqçılıq əməliyyatlarında kəskin artım müşahidə olunur.

"Report" xəbər verir ki, bunu Bakıda keçirilən X Beynəlxalq Maliyyə və Bankçılıq Sammitində Azərbaycan Mərkəzi Bankının Ödəniş Sistemləri və Məhsullarının İnkişafı Departamentinin baş mütəxəssisi Elvin Cuvarov deyib.

Onun sözlərinə görə, rəqəmsallaşma dərinləşdikcə, bankların və ödəniş təşkilatlarının biznes portfeli genişləndikcə fırıldaqçılıq halları da artmağa davam edir:

"Ötən ilin ilk iki rübündə müəyyən sabit azalma müşahidə olunsa da, ikinci rübdən etibarən ölkədaxili fırıldaqçılıq istiqamətində kəskin artım qeydə alınıb. Müşahidə olunan tendensiya ölkəxarici fırıldaqçılıq əməliyyatlarında məbləğin nisbətən aşağı, əməliyyat sayının isə daha yüksək olduğunu göstərir. Bu kateqoriyada əsasən kartın fiziki iştirakı olmadan həyata keçirilən elektron ticarət ("e-commerce") əməliyyatları üstünlük təşkil edir. Nəticədə belə fırıldaqçılıq halları say baxımından çox olsa da, məbləğ baxımından nisbətən kiçik olur".

Oxşar xəbərlər

Azərbaycanda ödəniş kartları ilə fırıldaqçılıq hallarının sayı kəskin artıb

"Mastercard": 2023-2032-ci illərdə kartla əlaqəli 425 milyard dollarlıq fırıldaqçılıq halları olacaq

Ekspert: "Rəqəmsal ödəniş ekosistemində fırıldaqçılığa qarşı mübarizə gücləndirilməlidir"

Vüsal Xəlilov: "Mərkəzi Bankda fırıldaqçılığa qarşı mübarizə gücləndirilir"

"Bank of Baku"dan maliyyə savadlılığına töhfə: uşaqlar üçün maarifləndirici kitabça