Ukrayna Prezidenti Volodimir Zelenski Rusiya Prezidenti Vladimir Putin ilə şəxsi görüş keçirmək təklifini rusiyalı iş adamı Roman Abramoviç vasitəsilə çatdırıb.

Bu barədə “Financial Times” qəzeti dörd mənbəyə istinadən məlumat yayıb.

Nəşrin məlumatına görə, ötən ay Zelenski Abramoviçi Kiyevə dəvət edib və ondan münaqişənin sülh yolu ilə nizamlanmasını müzakirə etmək məqsədilə ikitərəfli görüş keçirməyə hazır olduğu barədə mesajı Putinə çatdırmağı xahiş edib.

Zelenski “Sky News” telekanalına müsahibəsində Roman Abramoviçlə Kiyevdə görüşdüyünü təsdiqləyib.

Ukrayna liderinin sözlərinə görə, Abramoviç Kiyevə vasitəçi qismində gəlib və ona çatdırmaq istədiyi bir mesajı olduğunu bildirib.

Daha sonra isə Zelenskinin mesajını Rusiya prezidentinə ötürəcəyini deyib.

Oxşar xəbərlər

Zelenski Putinlə görüşə hazır olduğunu açıqlayıb

Tramp: Düşünürəm ki, Putin və Zelenski Ukrayna münaqişəsinin həllinə razılaşacaqlar

Zelenski: Rusiya yenidən müharibəni seçdi

Zelenski: Putinlə Ankarada da, İstanbulda da görüşməyə hazıram

Tramp: Putin və Zelenski görüşünün hazırlanmasına başlanılıb