Ukrayna Prezidenti Volodimir Zelenski Rusiya Prezidenti Vladimir Putinlə görüşmək üçün hər şeyi etməyə hazır olduğunu deyib.

APA-nın xəbərinə görə, Zelenski Putinlə mayın 15-də Ankarada və ya İstanbulda görüşməyə hazır olduğunu deyib.

Zelenski bildirib ki, Putin nə müharibənin bitməsini, nə atəşkəsin, nə də danışıqların aparılmasını istəmir.

Ukrayna Prezidenti deyib ki, o, Ərdoğanla Ankara görüşünü razılaşdırıb, lakin Putin Türkiyənin paytaxtına getməkdən imtina edib İstanbulu seçərsə, Zelenski və Ərdoğan ora gəlməyə hazırdır.

“Mən cümə axşamı Ankarada Ərdoğanla görüşəcəyəm və Putin orada olsa, İstanbula uçacağam”, - o qeyd edib.

"Biz Putinlə bu görüşün baş tutması üçün hər şeyi edəcəyik. Yalnız o, atəşkəslə bağlı qərar verə bilər", - Zelenski vurğulayıb.


Ukrayna lideri həmçinin Trampa danışıqlara qoşulmağı təklif etdiyini bildirib.

Zelenski İstanbul danışıqlarının baş tutmayacağı təqdirdə ABŞ və Aİ-nin Rusiyaya qarşı güclü sanksiya paketlərini gözlədiyini əlavə edib.

Oxşar xəbərlər

Kreml: Putin Zelenski ilə danışıqlara hazırdır

Zelenski İstanbulda Putinlə şəxsən görüşməyə hazırdır

Ərdoğan Zelenski ilə görüşüb

Zelenski: ABŞ və Avropa bizi yalnız qoymasa, Putinlə istənilən formatda danışıqlara hazıram

Zelenski Trampa cavab verib: Putini cümə axşamı Türkiyədə şəxsən gözləyəcəm