Ukrayna və Rusiya 1200 əsirin mübadiləsi barədə razılığa gəlib.

APA-nın xəbərinə görə, bu barədə Ukrayna Prezidenti Volodimir Zelenski “Telegram” hesabında paylaşım edib.

Ukrayna Prezidenti qeyd edib ki, İstanbulda keçirilən üçüncü danışıqlar raundundan sonra tərəflər 1200 əsirin mübadiləsi ilə bağlı razılıq əldə ediblər. Hazırda tərəflər mübadilə üçün nəzərdə tutulan şəxslərin siyahısı üzərində işləyir. Volodimir Zelenski bu məsələni Prezident Aparatının rəhbəri Andrey Yermak və Təhlükəsizlik və Müdafiə Şurasının katibi Rustem Umerovla müzakirə edib.

Volodimir Zelenski əlavə edib ki, Ukrayna eyni zamanda mülki şəxslərin geri qaytarılması istiqamətində də iş aparır və hər bir vətəndaşın taleyi ilə bağlı məlumatlar toplanır.

Oxşar xəbərlər

Ukrayna Rusiyaya yeni danışıqlar raundu keçirməyi təklif edib

Zelenski Rusiya-Ukrayna danışıqlarının növbəti raundunun tarixini açıqlayıb

Zelenski: Ukrayna və ABŞ silah təchizatı ilə bağlı detalları dəqiqləşdirir

Umerov İstanbulda Rusiya ilə aparılan danışıqların nəticələrindən danışıb

Ərdoğan Zelenski ilə görüşüb