Cənubi Koreya Müdafiə Nazirliyi Seulun Vaşinqtonla Koreya yarımadasının cənubundakı ABŞ hərbi kontingentinin 28 500 nəfərdən 24 000 nəfərə qədər azaldılmasını müzakirə etmədiyini açıqlayıb.

APA xəbər verir ki, bu barədə Yonhap xəbər agentliyi məlumat yayıb.

"Koreya Respublikası ilə ABŞ arasında ikinci tərəfə məxsus kontingentin çıxarılması ilə bağlı məsələlər müzakirə olunmayıb", - məlumatda bildirilir.

Seul tərəfi həmçinin əlavə edib ki, birgə müdafiə imkanlarını gücləndirmək, Koreya yarımadasında sülh və sabitliyi möhkəmləndirmək üçün Vaşinqtonla əməkdaşlıq edəcək.

Qeyd edək ki, “The Wall Street Journal” ABŞ-ın Cənubi Koreyadan 4500-ə yaxın hərbi qulluqçusunu çıxarmaq imkanını nəzərdən keçirdiyini yazıb.

Oxşar xəbərlər

ABŞ və Cənubi Koreya hərbi təlimlərə başlayıb

Şimali Koreya Cənubi Koreya ilə əlaqəli avtomobil və dəmir yollarını bağlayacaq

Cənubi Koreya və ABŞ Şimali Koreyanın təhdidlərinə qarşı müzakirələr aparacaq

Çin və Rusiya hərbi təyyarələri Cənubi Koreyanın hava müdafiə zonasına daxil olub

Cənubi Koreya, ABŞ və Yaponiya birgə hərbi təlimlər keçiriblər