İran ABŞ-la danışıqların beşinci raundunun mayın 23-də keçiriləcəyini təsdiqləyib

İran Xarici İşlər Nazirliyinin rəsmi nümayəndəsi Əsmail Baqai, İran İslam Respublikası ilə ABŞ arasında nüvə proqramı ətrafındakı fikir ayrılıqlarının aradan qaldırılması məqsədilə keçiriləcək danışıqların beşinci raundunun mayın 23-də Romada baş tutacağını təsdiqləyib.

APA xəbər verir ki, bu barədə məlumat İran XİN-in rəsmi "Telegram" kanalında yer alıb.

Diplomatın sözlərinə görə, İran nümayəndə heyəti danışıqlarda ölkə xalqının hüquq və mənafelərini qorumaqda qərarlıdır.