Türkiyə Malta sahillərində beynəlxalq sularda Azadlıq Donanması Koalisiyasına məxsus “Conscience” adlı gəmiyə edilən hücumu pisləyib.

APA-nın İstanbul müxbirinin verdiyi xəbərə görə, bu barədə Türkiyə XİN-nin sözçüsü Öncü Keçelinin açıqlamasında deyilir.

O, hücum anında gəmidə Türkiyə vətəndaşlarının da olduğunu əlavə edib.

“Gəmidə olan heyət və sərnişinlərin səhhətinin yaxşı olduğu məlum olub. Vətəndaşlarımızın təhlükəsiz yerə köçürülməsi üçün Maltanın səlahiyyətli orqanları ilə əməkdaşlıq çərçivəsində lazımi işlər aparılır. Biz beynəlxalq sularda hərəkət etmə azadlığını və dəniz təhlükəsizliyini təhdid edən bu hücumu qəti şəkildə pisləyirik”, - deyə Ö. Keçeli qeyd edib

XİN sözçüsü gəminin İsrail pilotsuz uçuş aparatları tərəfindən hədəf alındığına dair iddiaların olduğunu vurğulayıb: “Hücumun təfərrüatlarının ən qısa zamanda üzə çıxarılması və günahkarların məsuliyyətə cəlb edilməsi üçün bütün lazımi səylər göstəriləcək”.

Oxşar xəbərlər

İsrailin hava hücumu nəticəsində üç Türkiyə vətəndaşı ölüb

Husilər türk şirkətinə məxsus gəmiyə hücum edib

İstanbul sahillərindəki gəmidə yanğın olub, 2 nəfər ölüb

Sierra Leoneyə narkotik aparan gəmidə İki Azərbaycan vətəndaşı saxlanılıb

Türkiyə Livandan vətəndaşlarını təxliyə edir