Malayziya Hava Yollarına məxsus MH370 reysi ilə uçan təyyarənin qalıqlarının tapılması üçün 11 illik fasilədən sonra yenidən Hind okeanında axtarışlara başlanılıb.

Sizinxeber.az xəbər verir ki, 2014-cü ilin martın 8-də Malayziyanın paytaxtı Kuala-Lumpurdan Çinin paytaxtı Pekinə uçan Malayziya Hava Yollarına məxsus MH370 reysinin qalıqları ilə bağlı axtarışlar yenidən bərpa edilib.

Malayziyanın nəqliyyat naziri Entoni Lok axtarışın nə qədər davam edəcəyi ilə bağlı detalların hələ müzakirə edilmədiyini bildirib.

2018-ci ildə uğursuz axtarış cəhdindən sonra indi mütəxəssislərin son təhlili əsasında müəyyən edilən 5800 kvadrat kilometrlik yeni ərazidə axtarış aparılacaq.

Xatırladaq ki, 227 sərnişin və 12 ekipaj üzvü olan MH370 reysi ilə uçan Boeing 777 təyyarəsi Kuala-Lumpurdan Pekinə gedərkən yoxa çıxmışdı.

Axtarış-xilasetmə işlərində 26 ölkə iştirak etsə də, bu günə qədər heç bir iz tapılmayıb.

Oxşar xəbərlər

Malayziya 10 il əvvəl itkin düşən təyyarənin qalıqlarının axtarışını bərpa edəcək

Azərbaycan və Malayziya arasında əlaqələr genişlənir

Türkiyədə sərnişin təyyarəsi uçuş-enmə zolağından çıxıb

Prezident İlham Əliyev Malayziyanın Kralına məktub göndərib

Malayziya “BRICS” tərəfdaşı olmaq üçün dəvət alıb