HƏMAS hərəkatı Qəzza zolağında atəşkəs razılaşmasının yeni şərtlərini rədd edib.

Sizinxeber.az xəbər verir ki, bu barədə “RİA Novosti” məlumat yayıb.

Məlumatda bildirilir ki, HƏMAS-ın siyasi büro üzvü Xəlil əl-Həyyanın rəhbərlik etdiyi nümayəndə heyəti Dohada Qətərin baş naziri və Misir kəşfiyyatının rəhbəri ilə görüşüb. Görüşdə tərəflər Qəzza zolağında baş verənləri müzakirə ediblər.

“Hərəkatın Co Baydenin 31 may 2024-cü il tarixli bəyanatı, Təhlükəsizlik Şurasının 2735 saylı qətnaməsi və 2 iyul 2024-cü ildə razılaşdırılan atəşkəs razılaşmasını heç bir yeni tələb irəli sürmədən dərhal həyata keçirməyə hazır olduğu vurğulanıb”. – deyə məlumatda bildirilir.

Həmçinin qeyd olunur ki, hərəkat tərəflərin hər hansı birindən bu razılaşma üçün istənilən yeni şərti rədd edir.

Oxşar xəbərlər

HƏMAS Qəzzada atəşkəs danışıqlarına qayıtmağı gecikdirir

Bayden Qəzzanı danışıqlarda Misir və Qətərin təmsil etdiyini bəyan edib

ABŞ-ın Qəzza ilə bağlı yeni planında 90% razılıq əldə olunub

KİV: Dohada Qəzza üzrə danışıqlarda irəliləyiş əldə olunub