Bu gün səhər saatlarında İordan çayının qərb sahilinin cənubundakı Tarkumiya şəhəri yaxınlığında terror aktı nəticəsində üç İsrail polisi həlak olub.

Sizinxeber.az xəbər verir ki, bu barədə İsrail polisindən bildirilib.

Məlumata görə, fələstinli silahlı şəxslər İordan çayının qərb sahili ilə İsrail arasındakı keçid məntəqəsinin şərqində polis maşınına atəş açıblar və hadisə yerindən qaçıblar. Nəticədə 3 polis ölüb, 3 nəfər ağır yaralanıb.

İsrail polisinin komissarı Denni Levi bildirib ki, həlak olanlar İordan çayının qərb sahilindəki polis zabitləridir.

İsrail Müdafiə Qüvvələri (IDF) şübhəli şəxslərin axtarışlarının başladıldığını deyib.

Oxşar xəbərlər

KİV: İsrail 2023-cü ilin oktyabrından bəri İordan çayının qərb sahilində 600-dən çox terrorçunu məhv edib

KİV: İsrail ordusu İordan çayının qərb sahilində xüsusi əməliyyat keçirir

Yüzlərlə İsrail hərbçisi İordan çayının qərb sahilindəki əməliyyatda iştirak edir

İsrail ordusu İordan çayının qərb sahilində iki terrorçunu zərərsizləşdirib