Əgər ABŞ məhkəmələrinin hakimləri Tramp administrasiyası tərəfindən tətbiq edilən idxal rüsumlarının əleyhinə qərar çıxarsa, bu, ölkənin iqtisadi çöküş demək olacaq.

APA xəbər verir ki, bu haqda ABŞ prezidenti Donald Tramp öz “Truth” hesabında yazıb.

"Əgər məhkəmələr gözlənilmədən rüsumlarla bağlı bizim əleyhimizə hansısa şəkildə qərar çıxarsa, bu, digər ölkələrə ölkəmizi anti-Amerika rüsumları ilə girov saxlamağa imkan verəcək. Bu, Amerika Birləşmiş Ştatlarının iqtisadi çöküşü demək olacaq", - o yazıb.

Qeyd edək ki, ABŞ Federal Beynəlxalq Ticarət Məhkəməsi çərşənbə günü Trampın idxal rüsumlarının tətbiqi ilə bağlı qərarın icrasını prezidentin səlahiyyətlərindən sui-istifadə etdiyini əsas gətirərək bloklayıb.

Cümə axşamı isə ABŞ-ın Apelyasiya Məhkəməsi gömrük rüsumlarını bloklayan hökmü müvəqqəti olaraq dayandırıb. Ağ Evin mətbuat katibi Kerolayn Livitt qeyd edib ki, ABŞ administrasiyası bu işi ölkənin Ali Məhkəməsinə vermək niyyətindədir.

Oxşar xəbərlər

Tramp idxal rüsumlarının tətbiqində istisna halların ola biləcəyini deyib

ABŞ Federal Məhkəməsi Trampın rüsum tətbiqi ilə bağlı qərarını bloklayıb

Tramp BRİCS ölkələrini 100%-li idxal rüsumları ilə hədələyib

Tramp: Gömrük rüsumları ABŞ-a gündəlik 2 milyard dollar qazandırır

Tramp bəzi ölkələrə tətbiq olunan rüsumları 90 gün müddətinə dayandırıb