ABŞ Federal Məhkəməsi Trampın rüsum tətbiqi ilə bağlı qərarını bloklayıb

ABŞ-ın Beynəlxalq Ticarət üzrə Federal Məhkəməsi səlahiyyət həddini aşdığını əsas gətirərək ABŞ prezidenti Donald Trampın idxal rüsumları tətbiq etmək qərarını bloklayıb.

Sizinxeber.az xəbər verir ki, məhkəmənin qərarında qeyd edilir ki, yeni idxal rüsumlarını elan etməklə Tramp Beynəlxalq Fövqəladə İqtisadi Səlahiyyətlər Aktı (IEEPA) ilə prezidentə verilən səlahiyyətləri aşıb.

Məhkəmənin elektron məlumat bazasında dərc olunan sənəddə deyilir: “Rüsumların tətbiqi ilə bağlı etiraz edilmiş qərarlar ləğv ediləcək və həmişəlik dayandırılacaq”.