Pentaqon hazırda təlimlərdən sonra Litva ordusunun Pabrade poliqonundan qayıdarkən dörd amerikalı hərbçinin həlak olması ilə bağlı məlumatı təsdiqləməyə hazır deyil, onların axtarışları hələ də davam edir.

APA xəbər verir ki, bu barədə ABŞ Quru Qoşunlarının rəsmisi bildirib.

"Biz bu xəbərləri təsdiq edə bilmərik. İtkin düşən əsgərlərin axtarışları davam edir", - o, amerikalı əsgərlərin ölümü ilə bağlı məlumatı şərh edərkən qeyd edib.

Pentaqon M88 zirehli xilasetmə maşınının aşkar edildiyini təsdiqləyib. Əvvəllər xəbər verildiyi kimi, ABŞ hərbçiləri təlimləri çərşənbə axşamı axşam tərk ediblər.

ABŞ ordusunun bəyanatında deyilir ki, zirehli maşın təlim zonasındakı su hövzəsində tapılıb.

Oxşar xəbərlər

Pentaqon Ukrayna F-16-sının öz HHM sistemi ilə vurulması ilə bağlı xəbərlərə cavab verib

Pentaqon: 2023-cü ildə ABŞ-nin 500-dən çox hərbçisi intihar edib

Ukrayna ordusunun rəsmisi: Rusiya itkin düşən 50 mindən çox hərbçi ilə bağlı müraciət edib

Pentaqon rəhbəri Şimali Koreya əsgərlərinin Rusiyaya gətirilməsinə münasibət bildirib

Pentaqon: ABŞ ordusu növbəti ali baş komandanın əmrlərini həyata keçirməyə hazırdır