ABŞ dövlət katibi Marko Rubio və Misirin xarici işlər naziri Bədr Abdel Atti Vaşinqtonda keçirilən görüşdə Qəzza zolağında idarəetmə və təhlükəsizlik məsələlərini müzakirə ediblər.

APA xəbər verir ki, bu barədə ABŞ Dövlət Departamentinin mətbuat xidmətinin rəhbəri Temmi Bryusun yazılı açıqlamasında məlumat verilib.

Rubio Qəzzada münaqişədən sonrakı idarəçilik və təhlükəsizlik planlarının həyata keçirilməsi üçün sıx əməkdaşlığın vacibliyini bir daha vurğulayıb.

Dövlət katibi həmçinin vurğulayıb ki, Fələstinin radikal HƏMAS hərəkatı bir daha heç vaxt Qəzzanı idarə edə və İsraili təhdid edə bilməyəcək.

Tərəflər Suriyada baş verənlər proseslər ətrafında da fikir mübadiləsi aparıblar.

Rubio və Abdel Atti həmçinin sülh və təhlükəsizliyin möhkəmləndirilməsi üçün ikitərəfli əməkdaşlığın vacibliyini bir daha təsdiqləyiblər.

Oxşar xəbərlər

Marko Rubio Kanadanın XİN başçısı ilə görüşüb

Hakan Fidan ABŞ dövlət katibi Marko Rubio ilə telefon danışığı aparıb

Rubio Səudiyyə Ərəbistanının XİN başçısı ilə Yaxın Şərqdəki vəziyyəti müzakirə edib

ABŞ və Misirin baş diplomatları Qəzza və Suriyadakı vəziyyəti müzakirə edib