ABŞ prezidenti Donald Trampın administrasiyası qızılca və vərəmin yayılması ilə mübarizə bəhanəsi ilə sığınacaq axtaran şəxslərin ölkəyə girişini qadağan etməyi düşünür.

APA xəbər verir ki, bu barədə çərşənbə günü “Wall Street Journal” (WSJ) məlumat yayıb.

Məlumata görə, söhbət pandemiya zamanı qüvvədə olan 42-ci bölmənin bərpasından gedir.

Bu addım artıq Tramp tərəfindən dövlət başçısı kimi ilk müddətində atılıb və formal olaraq koronavirusun yayılmasının qarşısını almağa yönəlib.

42-ci bölmə ABŞ hökumətə sığınacaq axtaranların əksəriyyətini sanitar əsaslarla tez və qanuni şəkildə ölkədən çıxarmaq səlahiyyəti verdi.

Ağ Evin planlarına görə, bu dəfə 42-ci bölməyə müraciət edilməsinə səbəb miqrasiya nəticəsində vərəm və qızılca xəstəliyinin yayılması təhlükəsi olacaq.

ABŞ Səhiyyə və İnsan Xidmətləri Departamenti vəziyyəti təhlil etmək üçün öz işçilərini cənub sərhədinə göndərəcək.

Nəşr qeyd edir ki, Kanzas hazırda vərəm epidemiyası ilə mübarizə aparır və bəzi ştatlarda, o cümlədən Texasda qızılcaya yoluxma halları qeydə alınıb.

Səlahiyyətlilər bunun ABŞ-nin cənub sərhədinin kütləvi şəkildə keçilməsi ilə bağlı olub-olmadığını hələ bilmirlər.

Oxşar xəbərlər

Tramp miqrantların ABŞ-nin cənub sərhədindən keçməsini qadağan edən fərman imzalayıb

Tramp prezidentliyinin ilk günlərində neft və qaz hasilatına qoyulan məhdudiyyətləri aradan qaldıracaq

Ötən ay dövlət sərhədinin pоzulmasına görə 17 əcnəbi saxlanılıb

ABŞ-də qanunsuz immiqrantların deportasiyası başlayıb

Azərbaycanın axtardığı 308 nəfər sərhəddə saxlanılıb