Donald Tramp administrasiyası Pentaqona daha əvvəl Co Bayden administrasiyasının İsrailə 2000 funt-sterlinqlik bomba satışına qoyduğu qadağanı ləğv etməyi əmr edib.

APA xəbər verir ki, bu barədə “Axios” üç İsrail rəsmisinə istinadən xəbər verir.

Məlumata görə, Baydenin keçən ilin may ayında 2000 funt-sterlinqlik bombaların göndərilməsini dayandırmaq qərarı Qəzzada 15 aydır davam edən qarşıdurma zamanı ABŞ-İsrail münasibətlərində ən ciddi böhranlardan birinə səbəb olub.

İsrail rəsmisi bildirib ki, Pentaqon ötən cümə günü qadağanın ləğvi barədə İsrail hökumətini xəbərdar edib. Rəsmi mənbələr hazırda ABŞ-da anbarda olan 1800 MK-84 bombasının yaxın günlərdə İsrailə göndəriləcəyini bildirir.

"İsrail tərəfindən sifariş edilən və haqqı ödənilən, lakin Bayden tərəfindən göndərilməyən bir çox şey indi yoldadır!" - Tramp bu barədə Truth sosial platformasında yazıb.

Oxşar xəbərlər

Axios: Bayden İsrailə 8 milyard dollar dəyərində silah satmaq niyyətindədir

ABŞ İsrailə səkkiz milyard dollarlıq silah satmağı planlaşdırır

Tramp Bayden administrasiyasının 80-ə yaxın qərarını ləğv edəcək

CNN: ABŞ İranın İsrailə cavab hücumuna hazırlığını qeydə almağa başlayıb