Mövcud qanunvericilikdə dinc dövrdə çağırışdan azad edilənlərin kateqoriyası müəyyənləşdirilib.

APA xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında Səfərbərlik və Hərbi Xidmətə Çağırış üzrə Dövlət Xidmətinin Həqiqi hərbi xidmətə çağırış baş idarəsinin rəisi Azər Babayev deyib.

O bildirib ki, mövcud qanunda ehtiyata və istefaya buraxılma öz əksini tapmamışdı: “Artıq layihədə bu anlayışlar meydana çıxıb. Həm dinc, həm müharibə dövründə ehtiyatda qalanlar qalacaq. Amma ağır cinayət törədənlər birbaşa istefaya keçiriləcək. Magistratura və rezidentura bitirənlərin hərbi xidmətdən müəyyən məbləğ qarşılığında azad edilməsi bir çox dövlətdə tətbiq edilir. Bu layihə hazırlanarkən bu təklif olunmuşdu. 2016-cı ildən etibarən bakalavriatla yanaşı magistratura təhsilalanlara da möhlət verilməyə başladı. Bundan sonra magistratura təhsilinə cəlb olunanların sayı kəskin artıb. 2020-ci ildən 2024-cü ilə qədər bu yana təhsilə görə möhlət verilənlərin sayında 44 % artım müşahidə edilir. Magistratura və rezidentura bitirənləri müəyyən məbləğlə hərbi xidmətdən azad etsək, silahlı qüvvələrin keyfiyyətli komplektləşdirilməsinə mane ola bilər. 2020-2024-cü il ərzində hər il 0,3-0,2 % 30-35 yaşa qədər olanların hərbi xidmətə çağırılması təşkil edib. Bu heç 1 % deyil. Amma magistratura bitirənlərin azad olunması isə keyfiyyətli komplektləşdirməyə ciddi təsir göstərən amil ola bilər”.

Oxşar xəbərlər

Dövlət Xidmətinin baş idarə rəisi: 2 uşağı olanların azad edilməsi heç Türkiyə təcrübəsində yoxdur

Səfərbərlik Xidmətinin baş zabitinə hökm oxunub

Hərbi xidmətə çağırılanların yekun müayinəsi e-növbəlilik qaydasında aparılır

Müddətli həqiqi hərbi xidmətə çağırış yaşının yuxarı həddi 35-dən 30-a endirilir

Azərbaycan Prezidenti hərbi xidmətə çağırış və ehtiyata buraxılma haqqında Sərəncam imzalayıb