“Pakistan International Airlines” (PIA) aprelin 20-dən Lahordan Bakıya birbaşa reysləri bərpa edəcək.

Bu barədə “Report” aviadaşıyıcıya istinadən xəbər verir.

Məlumata görə, uçuşlar həftədə iki dəfə - bazar və çərşənbə günləri həyata keçiriləcək.

Təyyarə Lahordan yerli vaxtla saat 11:50-də qalxacaq, Bakıya isə yerli vaxtla 15:30-da enəcək. Uçuş müddəti 4 saat 40 dəqiqə təşkil edəcək.

Yeni marşrutun Pakistan və Azərbaycan arasında ikitərəfli turizmin, eləcə də ticarət əlaqələrinin inkişafına töhfə verəcəyi gözlənilir.

Bu ayın əvvəlində PIA Kəraçidən Bakıya birbaşa reyslərin açıldığını elan edib.

Oxşar xəbərlər

AZAL apreldə Bakı-Səmərqənd-Bakı uçuşlarını bərpa edəcək

Mayda Atıraudan Bakıya birbaşa reys açılacaq

“Ural Hava Yolları” Soçidən Bakıya birbaşa uçuşlara başlayır

“IrAero” Perm-Bakı reysinin müddətini oktyabra qədər uzadıb

Rusiyanın bəzi aviaşirkətləri Azərbaycana reyslərini ləğv edib