“IrAero” Perm-Bakı reysinin müddətini oktyabra qədər uzadıb

Rusiyanın “IrAero” aviaşirkəti Permdən Bakıya uçuş proqramını 2025-ci ilin oktyabr ayının sonuna qədər uzadıb.

Bu barədə "Report" Rusiya KİV-ə istinadən xəbər verir.

Uçuşlar 2025-ci il aprelin 20-dən oktyabrın 19-dək həyata keçiriləcək. Əvvəllər uçuş proqramı 2024-cü il oktyabrın 29-dan 2025-ci il martın 25-dək qüvvədə olub.

Təyyarələr Perm hava limanından yerli vaxtla saat 20:00-da yola düşür. Uçuş müddəti üç saatdır.

Uçuşlar bazar günləri “Sukhoi Superjet 100” təyyarəsi ilə həyata keçiriləcək.