Qadın voleybolçular arasında Azərbaycan Yüksək Liqasının qalibləri mükafatlandırılıb.

"Sizinxeber.az" xəbər verir ki, Milli Gimnastika Arenasında baş tutan "Abşeron" - "Azərreyl" matçından sonra mükafatlandırma mərasimi keçirilib.

Mükafatlandırmadan öncə Milli Olimpiya Komitəsinin vitse-prezidenti Çingiz Hüseynzadə çıxış edib. Çempionatın maraqlı keçdiyini bildirən qurum rəsmisi Azərbaycan Voleybol Federasiyasına (AVF) təşəkkür edib və uğurlar arzulayıb.

Daha sonra Avropa Voleybol Konfederasiyasının (CEV) prezidenti Roko Sikiriç çıxış edib. O, AVF-yə və komandalara uğurlar arzulayıb.

AVF-nin prezidenti Şahin Bağırov da çıxışında azarkeşlərə və voleybolçulara təşəkkür edib. O, yaxşı idmançıların yetişməsinə və bu idman növünün daha da inkişafına çalışacaqlarını söyləyib.

Daha sonra müxtəlif nominasiyalar üzrə seçilmiş volebolçulara fərdi mükafatlar verilib. Ardından komandalara kubok və medallar təqdim olunub. Medalları idmançılara AVF prezidenti Şahin Bağırov, vitse-prezidenti Faiq Qarayev və CEV-in prezidenti Roko Şkiriç təqdim ediblər. Kuboku "Azərreyl" komandasına Çingiz Hüseynzadə verib.

Qeyd edək ki, Azərbaycan Yüksək Liqasının qalibi adını "Azərreyl" komandası qazanıb. "Abşeron" gümüş, "Milli Aviasiya Akademiyası" isə bürünc medalların sahibi olub.

Foto: Mircavid Eminoğlu

Oxşar xəbərlər

Voleybol üzrə Azərbaycan Kubokunun qalibləri mükafatlandırılıb

Qadın voleybolçular arasında Azərbaycan Yüksək Liqasında ilk final matçı keçirilib

Qadın voleybolçular arasında Azərbaycan Yüksək Liqasının qalibi bu gün müəyyənləşəcək

Avropa Voleybol Konfederasiyasının yeni prezidenti bəlli olub

Voleybol üzrə Azərbaycan Yüksək Liqasında final və üçüncü yer uğrunda oyunların proqramı müəyyənləşib