Tarixin ən çox qazanan idmançılarının siyahısı açıqlanıb.

"Report" xəbər verir ki, siyahını nüfuzlu "Sportico" portalı dərc edib.

Siyahı tərtib olunarkən inflyasiya nəzərə alınıb.

Amerikalı basketbolçu Maykl Cordan tarixin ən çox qazanan idmançıları siyahısına başçılıq edir. Milli Basketbol Assosiasiyasının altıqat çempionu və ikiqat Olimpiya mükafatçısının gəliri 4,15 milyard dollar təşkil edir.

İkinci yeri amerikalı qolfçu Tayqer Vuds, üçüncü yeri isə portuqaliyalı futbolçu Kriştiano Ronaldu tutur. Böyük turnirlərin 15 qat qalibi Vuds 2,79 milyard dollar qazanıb. Çempionlar Liqasının beşqat qalibi, milli komandalar tarixinin ən yaxşı bombardiri və beş dəfə “Qızıl top” sahibi Ronaldunun gəliri isə 2,23 milyard dollardır.

Onluqda Lebron Ceyms (basketbol), Lionel Messi (futbol), Arnold Palmer (qolf), Cek Niklaus (qolf), Devid Bekhem (futbol), Roje Federer (tennis) və Floyd Meyvezerin (boks) adları da keçir.

Oxşar xəbərlər

Ronaldu tarixin ən yaxşı klubunun adını açıqlayıb

Futbol tarixinin ən yaxşı hücumçularının siyahısı müəyyənləşib

Dünyanın ən yüksək maaş alan dövlət başçılarının adları açıqlanıb

Futbol tarixinin ən yaxşı milli komandaları açıqlanıb