Məncə, hər matçda qalib gələ bilərik.

"Report"un məlumatına görə, bunu "Sərhədçi"nin basketbolçusu Antonio Uliyams klubun mətbuat xidmətinə müsahibəsində deyib.

O, Azərbaycan Basketbol Liqasının pley-off mərhələsində "Sabah"a qarşı keçirəcəkləri oyunla bağlı danışıb:

"Sadəcə, öz oyunumuzu göstərməliyik. Pley-in seriyasının üçüncü görüşədək uzanmasına görə komandamız yorğun ola bilər. Amma qələbə üçün meydana çıxmalıyıq. Başqa yolumuz yoxdur".

Antonio Uliyams pley-in mərhələsində "Sumqayıt"a qalib gəldikləri qarşılaşmalar haqqında da fikirlərini bölüşüb:

"Sonuncu matçda dörd hissənin üçündə yaxşı oynadıq. Fikrimcə, görüşün sonları daha gərgin keçdi. Biz isə sərtlik və birlik nümayiş etdirdik. Buna görə də qələbə qazana bildik. İkinci dueldə uduzmaq əslində bizə motivasiya oldu. Daha çox qələbə qazanmaq istəyi yarandı. Uduzmağı heç sevmirəm. Düşünürəm ki, birinci oyunda böyük qədər xal fərqi ilə qalib gəldikdən sonra ikincidə rəqibi düzgün qiymətləndirmədik. Nəticədə məğlub olduq və "Sumqayıt" həmin qarşılaşmada qələbəyə layiq idi".

Oxşar xəbərlər

“Sərhədçi”nin basketbolçusu “Sumqayıt”a qarşı keçirəcəkləri matçları dəyərləndirib

"Quba"nın basketbolçusu: "Hər oyunda yaxşı performans sərgiləyirik"

"Quba"nın basketbolçusu: "Müntəzəm mövsümü qələbə ilə başa vurmaq istəyirik"

“Sumqayıt”ın basketbolçusu: "Pley-ində də uğurlu çıxış edəcəyimizi düşünürəm"

Azərbaycan Basketbol Liqasında pley-in mərhələsinin daha bir görüşü baş tutub