“Sumqayıt”ın basketbolçusu Zayon Yanq "Sərhədçi" ilə pley-in mərhələsinin 3-cü görüşündən əvvəl azarkeşlərdən dəstək istəyib.

“Sizinxeber.az” xəbər verir ki, o, klubun mətbuat xidmətinə açıqlamasında həlledici qarşılşamada fanatların dəstəyinə daha çox ehtiyaclarının olduğunu deyib.

Amerikalı basketbolçu üçüncü görüşdə qələbəyə inandığını söyləyib:

"Əslində "Sərhədçi"yə uduzduğumuz matçda da yaxşı oynamışdıq. İkinci görüşdə isə, ümumiyyətlə, mükəmməl idik. Kollektiv şəklində var gücümüzü ortaya qoyduq. Həm hücum, həm də müdafiəmizə söz ola bilməzdi. Fikrimcə, seriyanın həlledici görüşündə qalib gələn tərəf "Sumqayıt" olacaq. Çərşənbə günü azarkeşlərin dəstəyinə ehtiyacımız var. Onların hamısını arenaya səsləyirəm. Hətta Bakıdan olan fanatlarımız da Sumqayıta gəlsin".

Qeyd edək ki, pley-in mərhələsinin ilk görüşündə "Sərhədçi" 123:97 hesablı qələbə qazanıb. İkinci matç isə “Sumqayıt”ın üstünlüyü ilə yekunlaşıb - 100:95. Komandalar arasında üçüncü görüş aprelin 16-da baş tutacaq.

Oxşar xəbərlər

“Sərhədçi”nin basketbolçusu “Sumqayıt”a qarşı keçirəcəkləri matçları dəyərləndirib

“Sumqayıt”ın basketbolçusu: "Pley-ində də uğurlu çıxış edəcəyimizi düşünürəm"

Azərbaycan Basketbol Liqasında pley-in mərhələsinin daha bir görüşü baş tutub

Azərbaycan Basketbol Liqasında pley-in mərhələsinin ilk oyunlarına yekun vurulub

Azərbaycan Basketbol Liqasında pley-in mərhələsinin daha üç oyunu keçiriləcək