UEFA Çempionlar Liqasının "İnter"lə "Barselona" arasında keçirilən yarımfinal mərhələsinin cavab matçı (4:3) zamanı azarkeşlərdən biri infarkt keçirib.

"Sizinxeber.az"un “İl Fatto Quotidiano”ya istinadən məlumatına görə, hadisə görüşün bitməsinə 15 dəqiqə qalmış baş verib.

Təxminən 40 yaşlarında olan şəxs stadiondan çıxarkən huşunu itirib. Həkimlər dörd defibrilator şoku və kardiopulmoner reanimasiya tətbiq etdikdən sonra onun ürək ritmi bərpa olunub və xəstəxanaya aparılıb.

Həkimlər infarkt keçirən şəxsdə aşkar risk faktorları olmadığını, bunun ağır emosional stressdən qaynaqla biləcəyini açıqlayıb.

Qeyd edək ki, UEFA Çempionlar Liqasının finalında "İnter" PSJ ilə üz-üzə gələcək. Qarşılaşma mayın 31-də Almaniyanın Münhen şəhərində baş tutacaq.

Oxşar xəbərlər

UEFA Çempionlar Liqası: “İnter” İspaniyada “Barselona”nın qonağı olacaq

UEFA Çempionlar Liqası: “İnter” - “Barselona” oyununda qalib müəyyən olunmayıb

UEFA Çempionlar Liqası: İlk finalçının adına İtaliyada aydınlıq gələcək

Levandovski "İnter"lə cavab matçı üçün heyətə daxil edilib

UEFA Çempionlar Liqası: Bu gün 1/8 finalın daha 4 matçı keçiriləcək