İspaniyanın "Real Madrid" futbol klubunun rəhbərliyi 24 yaşlı braziliyalı hücumçu Vinisius Juniorun Səudiyyə Ərəbistanına mümkün transferi ilə bağlı yayılan məlumatları şərh edib.

"Report" xəbər verir ki, bu barədə İspaniyanın "Relevo" nəşri məlumat yayıb.

Mənbənin sözlərinə görə, klub mediada yaranan xəbərlərdən narahatdır, lakin sakitliyini qoruyur. Belə ki, Vinisiusun "Real Madrid"lə müqaviləsi 2027-ci ilə qədərdir.

Daha əvvəl Vinisius Juniorun "Real Madrid" ilə müqaviləsini uzatmaqdan imtina etməsi və Səudiyyə Ərəbistanı klublarının oyunçuya konkret transfer marağı ilə bağlı məlumatlar yayılıb.

Onun Madrid klubu ilə hazırkı müqaviləsi 2027-ci ilin yayında başa çatacaq. “Real” onunla müqaviləni uzatmaq istəyir, ancaq hələlik yeni anlaşma ilə bağlı razılığa gələ bilməyib.

24 yaşlı forvard İspaniya çempionatının cari mövsümündə 17 oyun keçirib, 8 qol vurub və 5 məhsuldar ötürmə edib.

Oxşar xəbərlər

Səudiyyə Ərəbistanı klubu braziliyalı futbolçu üçün "Real"a bir milyard avro ödəməyə hazırdır

"Real" "Əl-Nəsr"in futbolçusunu transfer edə bilər

"Real Madrid" doğma meydanda "Vilyareal"a qalib gəlib

İspaniya La Liqası: “Real” və “Atletiko Madrid” heç-heçə edib