"Kəpəz" Misli Premyer Liqasının XXI turunda "Sabah"a qalib gəlib.

"Sizinxeber.az"un məlumatına görə, meydan sahibləri Tovuz şəhər stadionunda baş tutan turun açılış matçında rəqibini 3:2 hesabı ilə məğlub edib.

Gəncə təmsilçisinin heyətində Mahamadu Ba (11), Əli Səmədov (54) və Rauf Hüseynli (64-p.) fərqlənib. Bakı klubunun qollarını isə Pavol Safranko (6-p.) və Cesse Sekidika (45+3) vurub. Qonaqların futbolçusu İqor Noqeyro 63-cü dəqiqədə ikinci sarı vərəqəni alaraq meydandan qovulub.

"Sabah" turnir cədvəlində 28 xalla 5-ci, Gəncə təmsilçisi 17 xalla 9-cu pillədə qərarlaşıb.

Saat 18:30-da isə "Neftçi" doğma meydanda "Şamaxı"nı sınağa çəkəcək. "Ağ-qaralar" 18 xalla yeddinci, qonaqlar 17 xalla səkkizincidir.

Qeyd edək ki, tura fevralın 2-də yekun vurulacaq.

Oxşar xəbərlər

APL-də XXI tur: "Sabah" "Kəpəz"in, "Şamaxı" "Neftçi"nin qonağıdır

Premyer Liqa: "Sabah" "Sumqayıt"la heç-heçə edib

Premyer Liqanın XIX turunda "Kəpəz" "Turan Tovuz"u məğlub edib

"Neftçi" "Sabah"la heç-heçə edib

Premyer Liqa: "Qarabağ" "Sabah"ı məğlub edib