19 yaşadək futzalçılardan ibarət Azərbaycan millisi Avropa çempionatının əsas mərhələsinə vəsiqə qazanıb.

"Sizinxeber.az"un məlumatına görə, İlqar Aslanovun rəhbərlik etdiyi kollektiv San Marinoda keçirilən ilkin mərhələnin B qrupunu birinci pillədə başa vurub.

Bu gün meydan sahibləri ilə heç-heçə (2:2) edən U-19 xallarının sayını 4-ə çatdırıb.

Yığma daha əvvəl Kosovonu 4:1 hesabı ilə üstələyib.

Qeyd edək ki, əsas mərhələnin görüşləri 25-30 mart aralığında Xorvatiyada keçiriləcək. 7-ci qrupda yer alacaq futzalçılarımız meydan sahibi Xorvatiyadan başqa, Bosniya və Herseqovina və Türkiyədən olan həmyaşıdalrı ilə qarşılaşacaq. Qrup qalibi bu ilin sentyabrında Moldovanın Kişinyov şəhərində baş tutacaq final mərhələsinə vəsiqə qazanacaq.

Oxşar xəbərlər

Azərbaycan millisi Avropa çempionatının ilkin mərhələsinə qələbə ilə başlayıb

Avropa çempionatı: Azərbaycan millisi ilk oyununu keçirəcək

Avropa çempionatı: Azərbaycan millisi ilkin mərhələdə ikinci oyununa çıxır

Azərbaycan millisinin Avropa çempionatının ilkin mərhələsindəki rəqibləri müəyyənləşib

Azərbaycan millisi AVRO-2025-in seçmə mərhələsinə yanvarda start verəcək