AFFA-nın Futbol akademiyasında Azərbaycan Futzal Federasiyasının vitse-prezidenti Elşən Abasov təlim-məşq toplanışında olan 19 yaşadək futzalçılardan ibarət Azərbaycan yığması ilə görüşüb.

"Sizinxeber.az"un məlumatına görə, vitse-prezident Avropa çempionatının ilkin seçmə mərhələsində mübarizə aparacaq yığmanın üzvlərinə hazırlıq prosesini yaxın izlədiyini, komandanın durumu ilə mütəmadi maraqlandığını bildirib, federasiya rəhbərliyi adından uğurlar arzulayıb.

Baş məşqçi İlqar Aslanov komandanın səfəröncəsi durumu barədə məlumat verib və təlim-məşq toplanışı zamanı yaradılan şəraitlə bağlı minnətdarlığını bildirib.

Qeyd edək ki, U-19 yanvarın 24-dən 27-dək San Marinoda təşkil olunacaq Avropa çempionatının ilkin seçmə mərhələsində iştirak edəcək. B qrupunda yer alan yığma yanvarın 25-də Kosovodan, ertəsi gün isə San Marinodan olan həmyaşıdları ilə qarşılaşacaq. Yekunda qrup qalibi olacaq komanda əsas mərhələyə vəsiqə qazanacaq.

Oxşar xəbərlər

Azərbaycan millisinin Avropa çempionatının ilkin mərhələsindəki rəqibləri müəyyənləşib

Azərbaycan millisi Avropa çempionatının seçmə mərhələsində İrlandiya ilə qarşılaşacaq

Azərbaycan yığmasının baş məşqçisi: Dünya çempionatının seçmə mərhələsində qrupdan çıxacağımızı düşünürəm

Azərbaycan millisi Avropa çempionatının seçmə mərhələsində növbəti matçını keçirib

Çimərlik futbolu üzrə Azarbaycan millisi Türkiyədə təlim-məşq toplanışında olacaq