Səudiyyə Ərəbistanının "Əl-Hilal" futbol klubu klublararası dünya çempionatından əvvəl "Liverpul"un hücumçusu Məhəmməd Salahı heyətinə qatmaq niyyətindədir.

Bu barədə “Sizinxeber.az” xarici mətbuata istinadən xəbər verir.

Məlumata görə, klubda Salahın gələn ilin yayında FİFA-nın klublararası dünya çempionatının başlamasından əvvəl müqavilə imzalamasını istəyən maraqlı şəxslər var.

Qeyd edilir ki, nəzəri cəhətdən onlar Salahla 1-10 iyunda müqavilə imzalamağa cəhd edə bilərlər. Bu o deməkdir ki, komanda onu təkcə Səudiyyə Ərəbistanının liqası deyil, həm də Klublararası Dünya Çempionatı üçün nəzərdə tutur.

Xatırladaq ki, Salah 2017-ci ildən "Liverpul"da çıxış edir. Futbolçunun İngiltərə klubu ilə müqaviləsi 2025-ci ilə qədərdir. Salah bu mövsüm İngiltərə çempionatının "Liverpul"un heyətində üç oyun keçirib, bir qol vurub, iki məhsuldar ötürmə edib. “Transfermarkt” internet portalı oyunçunun dəyərini 65 milyon avro qiymətləndirir.

Oxşar xəbərlər

Məhəmməd Salah "Liverpul"la olan müqavilə müddətini artırmayacaq

FIFA klublararası dünya çempionatının yeni loqosunu təqdim edib

Bir təqvim ilində 5 və daha çox kubok qazanan klublar - SİYAHI

İngiltərə çempionatı: "Arsenal" "Liverpul"la heç-heçə edib

Məhəmməd Salah İspaniya və ya Fransa klubuna keçə bilər